លោក កែវ វ៉ាន្នី ឱ្យដឹងបន្តថា សមត្ថកិច្ចក្រុងភ្នំពេញបានឃាត់ខ្លួនកូនក្តីលោកលើសច្បាប់កំណត់រហូតដល់ទៅជិត ២០ម៉ោង។
ជាគោលការណ៍ច្បាប់ ប្រសិនបើការឃាត់ខ្លួនលើសច្បាប់កំណត់ តុលាការត្រូវដោះលែងជនសង្ស័យឱ្យមានសេរីភាពឡើងវិញ។
អតីតអ្នករាយការណ៍ព័ត៌មានអាស៊ីសេរី ត្រូវបានតុលាការឃុំខ្លួនកាលពីពាក់កណ្តាលខែវិច្ឆិកា ឆ្នាំ២០១៧ ហើយត្រូវបានតំណាងអយ្យការអមសាលាដំបូងរាជធានីភ្នំពេញ ចោទប្រកាន់តាមមាត្រា ៤៤៥ នៃក្រមព្រហ្មទណ្ឌ អំពីបទលួចផលិតព័ត៌មានបញ្ជូនទៅរដ្ឋធានីវ៉ាស៊ីនតោន។ អ្នកទាំងពីរអាចប្រឈមមុខជាប់ពន្ធនាគារពី ៧ ទៅ ១៥ឆ្នាំ។ មកទល់ថ្ងៃទី២៤ ខែមីនានេះ មានរយៈពេលជិត ៥ខែហើយ ដែលតុលាការបានឃុំខ្លួនអ្នកទាំងពីរក្នុងគុកព្រៃស។ លោក អ៊ួន ឈិន និងលោក យាង សុធារិន បានបដិសេធការចោទប្រកាន់របស់តុលាការ។ ការចោទប្រកាន់ដែលគ្មានភស្តុតាង និងមូលដ្ឋានច្បាប់នេះ ត្រូវបានអង្គការសង្គមស៊ីវិលជាតិ និងអន្តរជាតិថ្កោលទោស។ អង្គការ អេមណេស្ទី អេនថឺណេសិនណល (Amnesty International) ចាត់ទុកថា លោក អ៊ួន ឈិន និង លោក យាង សុធារិន ជាអ្នកទោសមនសិការ និងទាមទារឲ្យដោះលែងដោយគ្មានលក្ខខណ្ឌ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។