Clik here to view.
ក្រុមពលរដ្ឋបានដាក់ពាក្យប្ដឹងមេធាវីម្នាក់ទៅកាន់អង្គភាពប្រឆាំងអំពើពុករលួយ ពីបទប្រព្រឹត្តអំពើពុករលួយ និងសូកប៉ាន់តុលាការ។
ក្រុមពលរដ្ឋរស់នៅខេត្តកំពត ចំនួន ៦នាក់ រួមគ្នាសម្រេចសរសេរពាក្យបណ្ដឹងចំនួនពីរដាច់ដោយឡែកពីគ្នា ប្ដឹងលោកមេធាវី ខូវ ណារ៉ូ ដែលពលរដ្ឋចោទប្រកាន់ថា ជាមេធាវីល្បីឈ្មោះខាងប្រព្រឹត្តអំពើពុករលួយ និងសូកប៉ាន់តុលាការ ប្រើអាវុធខុសច្បាប់ និងរត់ការដោះលែងជនសង្ស័យឲ្យនៅក្រៅឃុំ។
តាមរយៈពាក្យបណ្ដឹងរបស់ក្រុមពលរដ្ឋកាលពីថ្ងៃទី២ ខែមករា កន្លងទៅ ចោទប្រកាន់ថា មេធាវីរូបនេះបានសូកប៉ាន់មន្ត្រីសុរិយោដីឲ្យកែកុនដីព្រៃផងដែរ ដើម្បីទទួលបានប្លង់រឹង និងរត់ការដោះលែងជនសង្ស័យឲ្យនៅក្រៅឃុំ ដែលទង្វើទាំងនេះគឺជារឿងអយុត្តិធម៌។
ចំណែកពាក្យបណ្ដឹងមួយច្បាប់ផ្សេងទៀតដែលប្ដឹងកាលពីថ្ងៃទី២៧ ខែធ្នូ ឆ្នាំ២០១៧ កន្លងទៅ ក៏បានប្ដឹងលោកមេធាវី ខូវ ណារ៉ូ ទៅអង្គភាពប្រឆាំងអំពើពុករលួយដែរ ពីបទប្រព្រឹត្តអំពើពុករលួយ សូកប៉ាន់ និងប្រើប្រាស់អាវុធខុសច្បាប់ និងបទល្មើសមួយចំនួនទៀត។
មន្ត្រីអង្កេតរបស់អង្គការសិទ្ធិមនុស្សអាដហុក (ADHOC) ប្រចាំខេត្តកំពត លោក ហេង ភារៈ ស្នើសុំទៅស្ថាប័នមានសមត្ថកិច្ចស្រាវជ្រាវ និងកាត់សេចក្ដីលើករណីនេះឲ្យមានយុត្តិធម៌។ លោកយល់ថា បើរឿងអាចពិតដូចទៅនឹងពាក្យបណ្ដឹងរបស់ពលរដ្ឋ ហើយទង្វើរបស់មេធាវីរូបនេះបានធ្វើឲ្យប៉ះពាល់ដល់សង្គមខ្លាំងណាស់៖ «»។
ខណៈពាក្យបណ្ដឹងរបស់ពលរដ្ឋបានដល់ដៃស្ថាប័នជំនាញជាបន្តបន្ទាប់ក្នុងពេលនេះ លោកមេធាវី ខូវ ណារ៉ូ ដែលរងការចោទប្រកាន់នោះបានប្រកាសមិនទទួលស្គាល់ការចោទទាំងនេះទេ៕
