ពលរដ្ឋខ្មែរប្រមាណ ៣០០នាក់ មកប្រទេសកាណាដា និងមកពីតាមបណ្ដារដ្ឋផ្សេងៗទៀតកាលពីថ្ងៃទី៧ ខែមករា បាននាំគ្នាធ្វើបាតុកម្មក្នុងទីក្រុងអូឡាំព្យា (Olympia) ក្នុងរដ្ឋវ៉ាស៊ីនតុន សហរដ្ឋអាមេរិក ដើម្បីជំរុញអោយរដ្ឋាភិបាលអាមេរិក អន្តរាគមន៍អោយមានការដោះលែងលោក កឹម សុខា ដោះលែងរាល់អ្នកទោសនយោបាយទាំងអស់ លុបចោលការរំលាយគណបក្សសង្គ្រោះជាតិ និងអនុញ្ញាតអោយក្រុមសង្គមស៊ីវិលជាតិ និងអន្តរជាតិអាចដំណើរការក្នុងស្រុកបានដូចប្រក្រតីឡើងវិញ។
ជាងនេះទៅទៀត ពួកគេក៏បានប្រកាសប្រឆាំងថ្ងៃ៧ មករា ដែលពួកគេចោទថា ជាថ្ងៃដែលក្រុមរបស់លោក ហ៊ុន សែន និងបក្សពួកបានដឹកនាំបរទេសចូលឈ្លានពានក្នុងទឹកដីកម្ពុជា ប៉ុន្តែគណបក្សប្រជាជនកម្ពុជា ដែលជាបក្សកាន់អំណាចកំពុងយកថ្ងៃ៧ មករា ឆ្នាំ១៩៧៩ ធ្វើប្រជាភិថុតិរហូតមកដល់សព្វថ្ងៃនេះ។
សូមលោកអ្នកស្ដាប់បទសម្ភាសន៍របស់លោក តាំង សារ៉ាដា ជាមួយលោក សុស ច័ន្ទតារា ដែលជាអ្នកដឹកនាំធ្វើបាតុកម្មម្នាក់ក្នុងចំណោមអ្នកដឹកនាំធ្វើបាតុកម្មជាច្រើនរូបទៀតដែលមានសេចក្ដីដូចតទៅ៖