មន្ត្រីគណបក្សប្រជាជនកម្ពុជា លើកឡើងថា សំណើចង់កែប្រែច្បាប់បោះឆ្នោតដើម្បីឲ្យពលករអាចចុះឈ្មោះបោះឆ្នោតនៅក្រៅប្រទេសបាន គឺជាការរំខាន និងធ្វើឲ្យប៉ះពាល់ដល់ឆ្នាំងបាយរបស់ពលករ។ មន្ត្រីបក្សកាន់អំណាចបញ្ជាក់ថា ខ្លួននឹងមិនរួមចំណែកជាមួយគណបក្សប្រឆាំង ដើម្បីបំផ្លាញឆ្នាំងបាយរបស់ពលករទាំងនោះឡើយ។
សង្គមស៊ីវិលពិនិត្យឃើញថា សំណើធ្វើវិសោធនកម្មច្បាប់បោះឆ្នោតនេះ គឺជាកាត់បន្ថយភាពលំបាក និងការចំណាយរបស់ពលករនៅក្រៅប្រទេសទៅវិញទេ រីឯអ្នកវិភាគនយោបាយលើកឡើងថា ប្រសិនបើពលករនៅក្រៅប្រទេសភាគច្រើន គឺជាអ្នកគាំទ្រគណបក្សកាន់អំណាច ប្រាកដណាស់ បក្សនេះនឹងធ្វើច្បាប់ក្នុងរយៈពេលមិនដល់ ២៤ម៉ោងឡើយ ដើម្បីឲ្យពលករទាំងនោះបានចុះឈ្មោះ និងបោះឆ្នោតបានដោយស្រួលពីក្រៅប្រទេស។
សូមស្ដាប់សេចក្ដីរាយការណ៍របស់លោក រាជ វិញ្ញូ៖