ខ្សែភាពយន្តស្ដីពីអតីតមេគុកទួលស្លែង កាំង ហ្គិចអ៊ាវ ហៅ ឌុច ត្រូវបានចាក់បញ្ចាំងនៅថ្ងៃទី២៦ កក្កដា ដែលជាការរៀបចំដោយសាលាក្ដីខ្មែរក្រហម សហការជាមួយមជ្ឈមណ្ឌលតម្កល់ឯកសារច្បាប់ទាក់ទងនឹងតុលាការខ្មែរក្រហម និងមជ្ឈមណ្ឌលសោតទស្សន៍បុប្ផាណា។
ខ្សែភាពយន្តនេះមានចំណងជើងថា «ឌុច គ្រូលត់ដំនៅឋាននរក» ត្រូវបានចាក់បញ្ចាំងនៅមជ្ឈមណ្ឌលតម្កល់ឯកសារច្បាប់ មានទីតាំងជាប់នឹងអគារគណៈមេធាវីនៃព្រះរាជាណាចក្រកម្ពុជា។
ការចាក់បញ្ចាំងនេះគឺធ្វើឡើងចំថ្ងៃខួប ៧ ឆ្នាំនៃការប្រកាសសាលក្រមរបស់អង្គជំនុំជម្រះសាលាដំបូងប្រឆាំងនឹងឌុច ដែលកាលនោះអង្គជំនុំជម្រះសាលាដំបូងសម្រេចផ្ដន្ទាទោសដាក់ពន្ធនាគារឌុចរយៈពេល ៣៥ ឆ្នាំ។ ប៉ុន្តែក្រោយពីមានបណ្ដឹងសាទុក្ខ អង្គជំនុំជម្រះតុលាការកំពូលបានសម្រេចផ្ដន្ទាទោសឌុច ដាក់ពន្ធនាគារអស់មួយជីវិត។
សូមរង់ចាំអាន និងស្ដាប់ព័ត៌មានពិស្ដារ...