Clik here to view.
អ្នកនេសាទជនជាតិចាម ២នាក់ បានរងរបួសបែកក្បាលដោយសារតែក្រុមជនល្មើសនេសាទក្នុងសមុទ្រ បានជិះទូកធំមួយគូដេញបុក និងគប់ដុំថ្ម ញញួរ និងពូថៅ ទៅលើអ្នកនេសាទ កាលពីយប់ថ្ងៃទី២២ កក្កដា។ ជនរងគ្រោះបានរាយការណ៍ទៅអាជ្ញាធរឃុំរួចហើយ ប៉ុន្តែមិនសង្ឃឹមថា មានដំណោះស្រាយសម្រាប់ពួកគាត់នោះទេ។
អ្នកនេសាទដែលរងរបួសទាំងពីរនាក់ ម្នាក់គឺជាតៃកុងបើកទូកនេសាទ និងម្នាក់ទៀតគឺជាកម្មករអូសមងរកក្ដាម បង្គា ក្នុងសមុទ្រ។ អ្នកទាំងពីរសុទ្ធតែរងរបួសបែកក្បាលដោយសារភាគីម្ខាងទៀត បានគប់ដុំថ្ម ញញួរ និងពូថៅដៃទៅលើពួកគេ។
អ្នកនេសាទសង្ស័យជនល្មើសជាជនជាតិវៀតណាម ព្រោះមានតែជនជាតិវៀតណាមទេ ដែលហ៊ាននេសាទប្រើទូកធំៗ អូសអួនកាត់សមុទ្រ និងប្រើទូកប្រភេទឆក់ ចំណែកអ្នកនេសាទជនជាតិខ្មែរពុំមានលទ្ធភាពប្រើទូកធំ និងមិនហ៊ានល្មើសច្បាប់នោះទេ។
ជនរងគ្រោះម្នាក់ក្នុងចំណោមពីរនាក់ លោក អ៊ែល សិដ្ឋ ឲ្យដឹងថា កាលពីយប់ថ្ងៃទី២២ កក្កដា ពួកគាត់ និងអ្នកសហគមន៍នេសាទបានចេញទៅនេសាទដូចធម្មតា ហើយប្រហែលម៉ោង ១១យប់មានទូកធំមួយគូ បានអូសអួនកាត់សមុទ្រនៅម្ដុំកោះដូង ក្នុងខេត្តកំពត ដេញបុកទូកពួកគាត់ ហើយក្រោយពីបុកទូកលោកពីរដង មិនលិច ម្ចាស់ទូកធំដែលជាជនល្មើសមានគ្នាប្រហែល ៨នាក់ បានយកដុំថ្ម ញញួរ និងពូថៅគប់ទៅលើពួកគាត់៖ «»។
ចាប់តាំងពីយប់ដែលមានទូកដេញបុកមក អ្នកនេសាទប្រាប់ថា ពួកគាត់បានផ្អាកការចេញទៅនេសាទបណ្ដោះអាសន្នសិនរង់ចាំអាជ្ញាធរចាប់ ឬបណ្ដេញទូកនោះទៅវិញសិន ហើយម្យ៉ាងទៀត ក៏ព្រោះតែអាកាសធាតុនៅលើផ្ទៃសមុទ្រប៉ុន្មានថ្ងៃនេះ សំបូរខ្យល់កន្ត្រាក់ និងធ្លាក់ភ្លៀងជាប្រចាំ។
ចំណែកអ្នកនេសាទម្នាក់ទៀត លោក ង៉ែត ស៊ន ប្រាប់ថា ជារឿយៗ ពួកគាត់តែងរងការដេញបុកពីទូកធំៗរបស់ជនជាតិវៀតណាម ក្នុងសមុទ្រកម្ពុជា។ លោកអះអាងថា អ្នកនេសាទជនជាតិខ្មែរមិនហ៊ានប្រើទូកធំៗក្នុងការនេសាទនៅសមុទ្រនោះទេ ហើយក៏មិនហ៊ានប្រើទូកប្រភេទឆក់ដែរ ព្រោះអាជ្ញាធរបានហាមឃាត់ ប៉ុន្តែជាង ២០ឆ្នាំដែលលោកប្រកបរបរនេសាទនេះ លោកតែងរងការដេញបុក និងវាយប្រហារពីទូកធំៗសុទ្ធតែជារបស់ជនជាតិវៀតណាម៖ «»។
អ្នកនេសាទអះអាងថា ការដេញបុក និងការគប់ញញួរ គប់ពូថៅ នេះមិនមែនជាលើកទី១ នោះទេ។ កាលពីប៉ុន្មានខែមុនក្រុមសហគមន៍នេសាទត្រើយកោះ បាននាំគ្នាជិះទូកចតមុខសាលាខេត្តកំពត ហើយនាំគ្នាតវ៉ាបិទផ្លូវមុខសាលាខេត្ត ដើម្បីសុំកិច្ចអន្តរាគមន៍ពីអាជ្ញាធរខេត្តស្នើឲ្យទប់ស្កាត់សកម្មភាពបទល្មើសនេសាទជនជាតិវៀតណាម លើសមុទ្រកម្ពុជា។ ពលរដ្ឋថា ក្រោយការតវ៉ាប៉ុន្មានខែមកនេះ ពួកគេមិនដែលរងគ្រោះពីទូកនេសាទរបស់ជនជាតិវៀតណាម នោះទេ ទើបតែកាលពីយប់ថ្ងៃទី២២ កក្កដា ពួកគេសង្ស័យថា មានទូករបស់ជនជាតិវៀតណាម ចូលមកវាយប្រហារអ្នកនេសាទជាថ្មី។
មេបញ្ជាការវរៈការពារព្រំដែនទឹកប្រចាំខេត្តកំពត លោក ខៀវ បេ មិនអាចសុំការបំភ្លឺបានទេ នៅព្រលប់ថ្ងៃទី២៥ កក្កដា ដោយចុចបិទទូរស័ព្ទ ក្រោយស្ដាប់សំណួរចប់។ ប៉ុន្តែកន្លងមកលោកធ្លាប់អះអាងថា អាជ្ញាធរជើងទឹកទាំងបីស្ថាប័ននៅលើផ្ទៃសមុទ្រ គឺកងទ័ពជើងទឹក កងនាវាចរណ៍លើផ្ទៃសមុទ្រ និងជលផល បានត្រៀមលក្ខណៈទាំងថ្ងៃ និងយប់ ដើម្បីជួយដល់អ្នកនេសាទ។ បន្ថែមពីនេះអាជ្ញាធរជើងទឹកបានឲ្យលេខទូរស័ព្ទសង្គ្រោះបន្ទាន់លើផ្ទៃទឹកទៅដល់អ្នកនេសាទផងដែរ។
អ្នកនេសាទបញ្ជាក់ថា នៅពេលទូរស័ព្ទទៅប្រាប់ថា មានទូកជនជាតិវៀតណាម ដេញបុក ពួកគេមិនសូវបានឃើញវត្តមានរបស់អាជ្ញាធរជើងទឹកចុះអន្តរាគមន៍ទេ ហើយទូកធំៗរបស់ជនជាតិវៀតណាម នៅតែចេញចូលក្នុងសមុទ្រកម្ពុជា បាន។
អនុប្រធានសមាគមនេសាទត្រើយកោះ ក្នុងសង្កាត់ត្រើយកោះ ក្រុងកំពត លោក ហាត់ ការីម ស្នើឲ្យអាជ្ញាធរខេត្តកំពត បង្កើនសកម្មភាពទប់ស្កាត់បទល្មើសនេសាទរបស់ជនជាតិវៀតណាម លើផ្ទៃសមុទ្រ៖ «»។
មន្ត្រីសម្របសម្រួលអង្គការលីកាដូ (LICADHO) ប្រចាំខេត្តកំពត លោក យន់ ផល្លី យល់ថា អាជ្ញាធរគួរតែរឹតបន្តឹងលើដែនសមុទ្រជាងនេះ ដើម្បីជៀសវាងការបណ្ដោយឲ្យទូកនេសាទខុសច្បាប់អាចប្រព្រឹត្តិបទល្មើសលើផ្ទៃសមុទ្រកម្ពុជា បាន៖ «»។
អ្នកនេសាទទទូចឲ្យអាជ្ញាធរចាត់វិធានការលើទូកនេសាទខុសច្បាប់ ដោយសារពួកគេយល់ថា សមុទ្រកម្ពុជា តូច មិនដូចសមុទ្រវៀតណាម ទេ បើបណ្ដោយឲ្យប្រើទូកធំអូសអួនទាំងគូក្នុងសមុទ្រកម្ពុជា នោះក្រុមអ្នកនេសាទដែលប្រើទូកតូចៗ នឹងប្រឈមការបាត់បង់អាជីព ហើយទៅធ្វើពលករនៅក្រៅប្រទេស។
ក្រុមអ្នកនេសាទបានព្រមានថា នឹងលើកគ្នាទៅតវ៉ាម្ដងទៀតនៅមុខសាលាខេត្តកំពត ប្រសិនបើពួកគេនៅតែរងគ្រោះ ដោយសារមានការវាយប្រហារពីទូកធំៗរបស់ជនល្មើសនេសាទទៀត៕