អង្គការអែបផល (APLE) ដែលធ្វើការប្រយុទ្ធប្រឆាំងនឹងការរំលោភបំពានផ្លូវភេទកុមារ នៅប្រទេសកម្ពុជា បានចេញសេចក្ដីប្រកាសព័ត៌មាននៅថ្ងៃទី២៤ កក្កដា ដោយអំពាវនាវឲ្យអ្នកគ្រប់គ្រងទីកន្លែងដែលមានកុមារ ដូចជាសាលារៀន គួរពិនិត្យសិក្សាជាបន្ទាន់ពីប្រវត្តិបទល្មើសរបស់បុគ្គលិក និងតាមដានជាប្រចាំពីអាកប្បកិរិយារបស់បុគ្គលិករបស់ខ្លួនចំពោះកុមារ។
ការអំពាវនាវនេះ នៅក្រោយពេលជនសង្ស័យសញ្ជាតិអង់គ្លេស វ័យ ៣៩ឆ្នាំ ដែលត្រូវបានប៉ូលិសចាប់ខ្លួនកាលពីថ្ងៃទី២១ កក្កដា ពីបទរំលោភបំពានផ្លូវភេទកុមារីវ័យ ៥ឆ្នាំនៅក្នុងសាលារៀនដែលជនសង្ស័យធ្វើការនោះ កំពុងជាប់ឃុំនៅមន្ទីរឃុំឃាំង ដើម្បីរង់ចាំចំណាត់ការផ្លូវច្បាប់បន្ត។
នេះជាករណីទី១០ នៃការរំលោភកុមារនៅកន្លែងដែលជនសង្ស័យធ្វើការក្នុងសាលារៀន ចាប់តាំងពីឆ្នាំ២០១៥ មក៕