Clik here to view.
គណៈរដ្ឋមន្ត្រីផ្អាកកិច្ចប្រជុំរបស់ខ្លួនចំនួន ២សប្ដាហ៍ គឺនៅថ្ងៃសុក្រ ទី៧ និងថ្ងៃសុក្រ ទី១៤ ខែកក្កដា។
ទោះជាយ៉ាងណា ថ្លែងប្រាប់អាស៊ីសេរី នៅថ្ងៃទី៧ ខែកក្កដា មន្ត្រីរដ្ឋាភិបាល និងជាអ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន ថាលោកមិនដឹងច្បាស់ពីមូលហេតុនៃការលើកពេលប្រជុំនេះទេ៖ «រឿងមូលហេតុខ្ញុំអត់ដឹងទេ អគ្គលេខាធិការរដ្ឋាភិបាលលោកអ្នករៀបចំធ្វើកម្មវិធីហ្នឹង របៀបវារៈប្រហែលរវល់រឿងអីផ្សេងទៀត ខ្ញុំអត់ដឹង»។
ជាទូទៅកិច្ចប្រជុំពេញអង្គគណៈរដ្ឋមន្ត្រីច្រើនធ្វើឡើងនៅរៀងរាល់ថ្ងៃសុក្រ នាវិមានសន្តិភាព ក្រោមការដឹកនាំកិច្ចប្រជុំរបស់លោកនាយករដ្ឋមន្ត្រី ហ៊ុន សែន។
ក្នុងលិខិតរបស់អគ្គលេខាធិការរាជរដ្ឋាភិបាលចុះថ្ងៃទី៣០ ខែមិថុនា ចុះហត្ថលេខារបស់លោក សយ សុខា បញ្ជាក់ថា កិច្ចប្រជុំពេញអង្គគណៈរដ្ឋមន្ត្រីប្រចាំសប្ដាហ៍ដែលគ្រោងប្រជុំនៅថ្ងៃទី៧ និងទី១៤ កក្កដា ត្រូវលើកទៅពេលក្រោយវិញ។
លោក ផៃ ស៊ីផាន ថ្លែងថា ការប្រជុំចាប់ផ្ដើមវិញនៅពេលណានោះ រដ្ឋាភិបាលនឹងជូនដំណឹងនៅពេលក្រោយ៕
