Clik here to view.
ប្រធានចលនាសង្គ្រោះជាតិ លោក សម រង្ស៊ី ស្នើឲ្យលោកនាយករដ្ឋមន្ត្រី ហ៊ុន សែន ឈប់ឆ្កួត។
ឆ្លើយតបនឹងលោក ហ៊ុន សែន ដែលកាលពីចុងសប្ដាហ៍នេះបានចោទប្រកាន់លោកថា ជាមេភេរវករនោះ លោក សម រង្ស៊ី បានសរសេរសារផ្ញើជូនលោកនាយករដ្ឋមន្ត្រី ហ៊ុន សែន នៅលើទំព័រហ្វេសប៊ុក (Facebook) ថា បើលោកជាភេរវករមែន នោះមិនមែនឥស្សរជនជាន់ខ្ពស់នៅសហរដ្ឋអាមេរិក និងនៅទ្វីបអឺរ៉ុប រាប់អានរូបលោក និងផ្ដល់កម្លាំងចិត្តឱ្យលោកក្នុងការតស៊ូទាមទារលទ្ធិប្រជាធិបតេយ្យជូនប្រជារាស្ត្រខ្មែរនោះទេ។
លោក សម សង្ស៊ី ចោទវិញថា ហ៊ុន សែន នោះទេ ដែលជាឃាតក និងជាមេក្រុមភេរវករក្នុងជួរអ្នកដឹកនាំប្រទេសកម្ពុជា សព្វថ្ងៃ ដែលបានសម្លាប់មនុស្សជាច្រើនដូចជាផែនការ "ក៥" អំពើភេរវកម្មថ្ងៃទី៣០ ខែមីនា ឆ្នាំ១៩៩៧ រដ្ឋប្រហារខែកក្កដា ឆ្នាំ១៩៩៧ ជាដើម។
លោក សម រង្ស៊ី បន្ថែមទៀតថា គេនឹងអូសកលោក ហ៊ុន សែន ទៅកាត់ទោសចំពោះមុខតុលាការព្រហ្មទណ្ឌអន្តរជាតិ (ICC) ក្នុងពេលឆាប់ៗខាងមុខនេះជាពុំខាន៕
