ភ្ញៀវទេសចរដែលទៅទស្សនា ខែត្រព្រះសីហនុ ត្អូញត្អែរថា ផ្ទះសំណាក់ និងសណ្ឋាគារ ឡើងកប់ពពក អំឡុងពេលបុណ្យឆ្លងចូលឆ្នាំសកល។ ពួកគាត់ថា ផ្ទះសំណាក់មួយបន្ទប់ ដែលពីមុនតម្លៃ១៥ដុល្លារ ឥឡូវឡើងដល់៥០ដុល្លារ ទៅជាង ២០០ដុល្លារក្នុងមួយយប់។
ភ្ញៀវទេសចរម្នាក់ មកពីរាជធានីភ្នំពេញ ថ្លែងសុំមិនបញ្ចេញឈ្មោះ និងសំឡេង ឲ្យដឹងថា ដោយសារឡើងថ្លៃខ្លាំងពេក បង្ខំឲ្យភ្ញៀវទេសចរ មួយចំនួនសម្រាកតាមផ្លូវ និងតាមទីសាធារណៈ ព្រោះពុំមានលទ្ធភាពជួលផ្ទះសំណាក់ស្នាក់នៅ។ អ្នកស្រីត្អូញត្អែរថា គ្រួសារអ្នកស្រីបង្ខំចិត្តស្នាក់នៅបន្ទប់ផ្ទះសំណាក់ គ្រែពីរ តម្លៃ ៨០ដុល្លារ មួយយប់ ដោយសារពុំមានជម្រើស។ អ្នកស្រីអំពាវនាវឲ្យមន្ទីរទេសចរខែត្រព្រះសីហនុ អន្តរាគមន៍ករណីដូចនេះ នៅឆ្នាំក្រោយៗ៕