សហគមន៍អន្តរជាតិ កំពុងតែយកចិត្តទុកដាក់យ៉ាងខ្លាំងក្នុងបញ្ហាវិបត្តិនយោបាយនៅកម្ពុជា។ ប្រធានបទនៃបញ្ហាធ្លាក់ចុះនៃលទ្ធិប្រជាធិបតេយ្យនៅកម្ពុជា ត្រូវបានស្ថានបេសកកម្មអចិន្ត្រៃយ៍សហរដ្ឋអាមេរិក ប្រចាំនៅអង្គការសហប្រជាជាតិ លើកយកទៅពិភាក្សានៅទីក្រុងញូវយ៉ក កាលពីថ្ងៃទី១៩ ខែធ្នូ។
តំណាងគណបក្សសង្គ្រោះជាតិ កញ្ញា កឹម មនោវិទ្យា និងតំណាងអង្គការសង្គមស៊ីវិលពីររូបគឺលោក ប៉ា ងួនទៀង នាយកប្រតិបត្តិមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) និងលោក ចន ស៊ីហ្វតុន (John Sifton) តំណាងអង្គការឃ្លាំមើលសិទ្ធិមនុស្សអន្តរជាតិ Human Rights Watch ប្រចាំនៅអាស៊ី បានចូលរួមឆ្លើយបំភ្លឺ។ គោលបំណងសំខាន់នៃវេទិកានេះ គឺសហរដ្ឋអាមេរិក និងសហគមន៍អន្តរជាតិ បន្តស្វែងយល់បន្ថែមអំពីស្ថានការណ៍បច្ចុប្បន្ននៅកម្ពុជា និងរិះរកវិធានការទណ្ឌកម្មសមស្របដើម្បីបង្កបរិយាកាសឲ្យមានការបោះឆ្នោតដោយសេរី ត្រឹមត្រូវ យុត្តិធម៌មួយនៅកម្ពុជា នាឆ្នាំ២០១៨ ខាងមុខ។
សូមអញ្ជើញស្តាប់បទសម្ភាសន៍របស់លោក មួង ណារ៉េត ជាមួយលោក ជុន ច័ន្ទបុត្រ ដែលបានចុះទៅយកព័ត៌មានផ្ទាល់ដល់ទីនោះដូចតទៅ៖