លោក លឺ ឡាយស្រេង ដែលបច្ចុប្បន្នរស់នៅសហរដ្ឋអាមេរិក បានប្រាប់អាស៊ីសេរីថា លោកនឹងមិនទៅបង្ហាញខ្លួននៅតុលាការឡើយ ព្រោះមិនមានជំនឿលើតុលាការកម្ពុជា។ លោកអះអាងថា លោកជាជនរងគ្រោះនៃការលួចថតសំឡេងសន្ទនាឯកជន ហើយតុលាការគួរតែដាក់ទោសអ្នកដែលលួចថតសំឡេងសន្ទនារបស់លោកវិញ។
គណបក្សហ៊្វុនស៊ិនប៉ិច បានប្តឹងលោក លឺ ឡាយស្រេង ពីបទប្រមាថព្រះចេស្តាព្រះមហាក្សត្រ បន្ទាប់ពីសំឡេងសន្ទនាសម្ងាត់របស់លោកជាមួយអតីតមន្ត្រីជាន់ខ្ពស់គណបក្សហ៊្វុនស៊ិនប៉ិច អ្នកស្រី គី លំអង ត្រូវបានគណនីហ្វេសប៊ុក (Facebook) ឈ្មោះ សីហា បានចុះផ្សាយកាលពីថ្ងៃទី២១ ខែតុលា។
លោក លឺ ឡាយស្រេង ដែលបច្ចុប្បន្នរស់នៅសហរដ្ឋអាមេរិក បានប្រាប់អាស៊ីសេរីថា លោកនឹងមិនទៅបង្ហាញខ្លួននៅតុលាការឡើយ ព្រោះមិនមានជំនឿលើតុលាការកម្ពុជា។ លោកអះអាងថា លោកជាជនរងគ្រោះនៃការលួចថតសំឡេងសន្ទនាឯកជន ហើយតុលាការគួរតែដាក់ទោសអ្នកដែលលួចថតសំឡេងសន្ទនារបស់លោកវិញ។
មេធាវីរបស់លោក ហ៊ុន សែន គឺលោក គី តិច និងលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បានដាក់ពាក្យប្ដឹងលោក លឺ ឡាយស្រេង កាលពីថ្ងៃទី២៤ តុលា ដោយស្នើឲ្យសាលាដំបូងរាជធានីភ្នំពេញ ចាត់វិធានការផ្លូវច្បាប់ជាបន្ទាន់ ចំពោះករណីប្រមាថព្រះមហាក្សត្រ។ លោក ហ៊ុន សែន ប្ដឹងលោក លឺ ឡាយស្រេង ចំនួនពីរករណី ទី១ ប្ដឹងចោទថា លោក លឺ ឡាយស្រេង ប្រមាថព្រះមហាក្សត្រ ទី២ ប្ដឹងពីបទបរិហារកេរ្តិ៍រឿងថា ទិញទឹកចិត្តមន្ត្រីគណបក្សហ៊្វុនស៊ិនប៉ិច ក្នុងម្នាក់ៗ ២ម៉ឺនដុល្លារ។ ចំណែកព្រះអង្គម្ចាស់នរោត្តម រណឫទ្ធិ ក៏បានប្ដឹងលោក លឺ ឡាយស្រេង ពីករណីដូចគ្នានេះដែរ៕