Clik here to view.
អនុប្រធានគណបក្សសង្គ្រោះជាតិ អ្នកស្រី មូរ សុខហួរ នៅថ្ងៃទី១៥ វិច្ឆិកា នេះ អះអាងថា អ្នកស្រីពុំមានក្ដីសង្ឃឹមណាមួយ ដែលគណបក្សសង្គ្រោះជាតិ អាចគេចផុតពីការរំលាយនោះបានឡើយ។ អ្នកស្រី មានប្រសាសន៍ពីប្រទេសអង់គ្លេសថា «ថ្ងៃទី១៦ ខែវិច្ឆិកា គឺជាថ្ងៃបញ្ចប់លទ្ធិប្រជាធិបតេយ្យពិតប្រាកដនៅកម្ពុជា» ហើយថា គណបក្សកាន់អំណាច នឹងប្រឈមការថ្កោលទោសយ៉ាងធ្ងន់ធ្ងរ ពីប្រជាពលរដ្ឋ ទាំងនៅក្នុងនិងនៅក្រៅប្រទេស ជាពិសេស នឹងអាចរងសម្ពាធនៃការដាក់ទណ្ឌកម្មសេដ្ឋកិច្ច ពីសហគមន៍អន្តរជាតិ។
លោក ហ៊ុន សែន អតីតមេដឹកនាំខ្មែរក្រហម ដែលកាន់អំណាចជាង ៣០ឆ្នាំមកនេះ ត្រូវបានមតិជាតិនិងអន្តរជាតិទទួលស្គាល់ថា តែងតែប្រើអំណាចគំរាមកំហែង គូបដិបក្ខរបស់ខ្លួន តាមរយៈការប្រើប្រាស់តុលាការ ដើម្បីរំលាយគណបក្សសង្គ្រោះជាតិ នៅក្នុងការបោះឆ្នោតសកលនៅឆ្នាំ២០១៨ ខាងមុខ៕
