នៅសល់តែពីរថ្ងៃទៀតទេ ជាថ្ងៃដែលតុលាការកំពូលនឹងកំណត់ពីជោគវាសនាគណបក្សសង្គ្រោះជាតិ ថាតើត្រូវរំលាយ ឬមិនរំលាយនោះ។ អ្នកឃ្លាំមើលផ្នែកអភិវឌ្ឍន៍សង្គម លោកបណ្ឌិត មាស នី សំដែងសុទិដ្ឋិនិយមថា លោកនៅមានសង្ឃឹមខ្លះថា តុលាការកំពូលនឹងមិនអាចរំលាយគណបក្សសង្គ្រោះជាតិ នៅថ្ងៃទី១៦ វិច្ឆិកា ខាងមុខនេះទេ។
លោកបញ្ជាក់ថា ក្ដីសង្ឃឹមរបស់លោកមានតែ ៥%ទេ ចំពោះការមិនរំលាយនេះ ក៏ប៉ុន្តែនៅមានហេតុផលមួយចំនួនទៀត ដែលអាចឲ្យក្ដីសង្ឃឹមតិចតូចនេះនឹងក្លាយជាក្ដីសង្ឃឹម១០០% ដែលតុលាការមិនរំលាយគណបក្សប្រឆាំងបាន។
ការលើកឡើងរបស់លោកបណ្ឌិត មាស នី បែបនេះ ទោះបីជាលោកនាយករដ្ឋមន្ត្រី ហ៊ុន សែន អះអាង ថែមទាំងធ្លាប់បបួលគេឯងភ្នាល់ ដោយ ១០០ ស៊ីតែ ១ទេ បើតុលាការមិនរំលាយបក្សប្រឆាំង។ បន្ថែមពីនេះ មេធាវីរបស់រដ្ឋាភិបាលអះអាងយ៉ាងមុតមាំថា គេមានភស្តុតាងរឹងមាំក្នុងការរំលាយគណបក្សសង្គ្រោះជាតិ។
តើមានហេតុផលអ្វីខ្លះដែលជំរុញឲ្យតុលាការកំពូល មិនអាចរំលាយគណបក្សសង្គ្រោះជាតិ?
សូមអញ្ជើញស្ដាប់បទសម្ភាសន៍របស់លោក ទីន ហ្សាការីយ៉ា និងបណ្ឌិត មាស នី អំពីបញ្ហានេះ ដូចតទៅ៖