គ្រូពេទ្យឯកទេសផ្នែកជំងឺភ្នែកនៃមន្ទីរពេទ្យមិត្តភាពខ្មែរ-សូវៀត ឬហៅថាមន្ទីរពេទ្យរុស្ស៊ី ជូនដំណឹងថា នៅមន្ទីរពេទ្យនេះ ក្រុមគ្រូពេទ្យភ្នែកផ្ដល់ការពិនិត្យ ព្យាបាលជំងឺភ្នែកដោយឥតបង់ប្រាក់រយៈពេល ៣ថ្ងៃ សម្រាប់ជនក្រីក្រ។
រយៈពេល ៣ថ្ងៃនេះ គឺចាប់ពីថ្ងៃព្រហស្បតិ៍ ទី២៤ ដល់ថ្ងៃសុក្រ ទី២៥ សីហា ហើយក្រោយការសម្រាកថ្ងៃសៅរ៍ និងថ្ងៃអាទិត្យ គ្រូពេទ្យនឹងបន្តផ្ដល់សេវាឥតបង់ប្រាក់មួយថ្ងៃទៀត គឺនៅថ្ងៃទី២៨ សីហា។
ការពិនិត្យ និងព្យាបាលជំងឺភ្នែកឥតបង់ប្រាក់នេះ គឺសម្រាប់អ្នកមានជំងឺភ្នែកទូទៅ ជាពិសេសជំងឺភ្នែកឡើងបាយ និងភ្នែកដុះកន្ទុយថ្លែន៕