Clik here to view.
ប្រធានគណបក្សសំបុកឃ្មុំសង្គមប្រជាធិបតេយ្យ លោក ម៉ម សូណង់ដូ គ្រោងលាលែងពីតួនាទីជាប្រធាន ព្រោះពលរដ្ឋមិនគាំទ្ររូបលោកក្នុងការបោះឆ្នោតឃុំ-សង្កាត់កាលពីខែមិថុនា។
លោក ម៉ម សូណង់ដូ ឲ្យអាស៊ីសេរីដឹងនៅថ្ងៃទី៤ សីហា ថា ចាប់ពីថ្ងៃនេះតទៅ លោកមានពេល១ខែទៀត ដើម្បីរកដំណោះស្រាយតាមនីតិវិធីច្បាប់ ស្របទៅតាមលក្ខន្តិកៈគណបក្ស ដើម្បីលាលែង៖ «ពីរឆ្នាំហើយ ខ្ញុំ (ម៉ម សូណង់ដូ) បានពន្យល់ពលរដ្ឋថា មូលហេតុអ្វីខ្ញុំបង្កើតគណបក្ស ហើយហេតុអ្វីខ្ញុំមិនបានបន្តគាំទ្រជំហរគណបក្សសង្គ្រោះជាតិតទៅទៀត។ ពេលបោះឆ្នោតឃុំសង្កាត់ (២០១៧) ខ្ញុំបានលទ្ធផលគឺពលរដ្ឋអត់បានគាំទ្រខ្ញុំ។ ដូច្នេះខ្ញុំធ្វើការពិចារណា ដោយខ្ញុំធ្វើនេះសម្រាប់ពលរដ្ឋ ហើយបើពលរដ្ឋអត់គាំទ្រខ្ញុំ។ តើខ្ញុំធ្វើបន្តទៀតបានការអី? រឿងតែប៉ុណ្ណឹងទេ! អត់មានរឿងអីវែងឆ្ងាយទេ»។
ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤ ឆ្នាំ២០១៧ គណបក្សសំបុកឃ្មុំសង្គមប្រជាធិបតេយ្យ ទទួលបានជំទប់ទី២ ឃុំមួយ៕
