Clik here to view.
ក្រុមអ្នកបច្ចេកទេសរបស់ក្រុមហ៊ុនសប្បាយ (Sabay) បានបង្កើតកម្មវិធីកម្សាន្តថ្មីមួយដែលគេហៅថា អែប (Apps ឬ Applications) សម្រាប់ឲ្យអ្នកប្រើប្រាស់ទូរស័ព្ទដៃអាចមើលភាពយន្តជាភាសាខ្មែរបាន។ កម្មវិធីកម្សាន្ត ឬ Apps នេះមានឈ្មោះថា សូយ៉ូ (SOYO)។
នាយកគ្រប់គ្រងផ្នែកអាជីវកម្មរបស់ សូយ៉ូ (SOYO) នៃក្រុមហ៊ុនសប្បាយ លោក ស៊ុត ឈាងឡេង អះអាងថា កម្មវិធីកម្សាន្ត SOYO គឺជាកម្មវិធីកម្សាន្តងាយស្រួលប្រើដំបូងគេមួយ ដែលអ្នកប្រើប្រាស់ទូរស័ព្ទចល័ត ឬថែបប្លិត (Tablet) អាចទស្សនាខ្សែភាពយន្ត ឬវីដេអូជាភាសាខ្មែរបាន៖ «»។
ក្រៅពីនេះ អ្នកចូលចិត្តភាពយន្តក៏អាចទស្សនាតាមអ៊ីនធឺណិតនៅលើកុំព្យូទ័របានដែរ។ លោកបន្តថា ក្រុមហ៊ុនរបស់លោក បង្កើតកម្មវិធី SOYO នេះឡើង ព្រោះតែមើលឃើញទីផ្សារឌីជីថល ឬអ៊ីនធឺណិតនៅកម្ពុជា កើនឡើង។ លោក ស៊ុត ឈាងឡេង បញ្ជាក់ថា គោលបំណងសំខាន់ គឺជួយលើកទឹកចិត្តដល់ផលិតករភាពយន្តឲ្យអាចបង្កើតអ្វីថ្មីទៀត៖ «»។
អ្នកផលិតភាពយន្តខ្មែរនៃក្រុមហ៊ុន 802 AD Film លោក សុខ វិសាល គាំទ្រការបង្កើតកម្មវិធី SOYO សម្រាប់ទស្សនាភាពយន្តតាមប្រព័ន្ធឌីជីថល ទូរស័ព្ទដៃ ឬអ៊ីនធឺណិតនេះ ថាអាចលើកទឹកចិត្តអ្នកផលិតភាពយន្ត ព្រោះវាជាវិធីមួយដែលជួយដល់អ្នកផលិតភាពយន្ត ឬវីដេអូអាចរកចំណូលបានបន្ថែមទៀត ក្រោយពីការចាក់បញ្ចាំងនៅតាមរោងភាពយន្ត និងទូរទស្សន៍រួចហើយ៖ «»។
ឆ្លើយតបចំពោះសំណួរដែលថា ការបង្កើតកម្មវិធីទស្សនាភាពយន្តតាមឌីជីថល ទូរស័ព្ទចល័ត ឬអ៊ីនធឺណិត នាំឲ្យប៉ះពាល់ ឬកាត់បន្ថយអ្នកទស្សនានៅរោងភាពយន្ត ហើយក៏ប៉ះពាល់ដល់អ្នកផលិតនោះ ត្រូវបានលោក សុខ វិសាល ថ្លែងថា មិនប៉ះពាល់ទេ៖ «»។
រីឯលោក ស៊ុត ឈាងឡេង មានប្រសាសន៍ថា ខ្សែភាពយន្ត ឬវីដេអូដែលលោកទិញមកដាក់បញ្ចូលក្នុងកម្មវិធី SOYO គឺជាជម្រើសចុងក្រោយរបស់ម្ចាស់ភាពយន្ត បន្ទាប់ពីបានដាក់នៅរោងភាពយន្ត និងតាមទូរទស្សន៍រួចហើយ៖ «»។
លោកបញ្ជាក់ថា ភាពយន្ត ឬវីដេអូដែលលោកយកមកដាក់លើកម្មវិធី SOYO សុទ្ធតែស្របច្បាប់ តាមរយៈការទិញសិទ្ធិ មុននឹងដាក់ផ្សាយ។
យុវជនផ្នែកព័ត៌មានវិទ្យាពីសាកលវិទ្យាល័យ អាយ.អាយ.ធី លោក ហុង គីមហួរ ហាក់នៅស្ទាក់ស្ទើរចំពោះការនិយមប្រើប្រាស់កម្មវិធីថ្មីនេះ ព្រោះអាចមានការលំបាកសម្រាប់អ្នកប្រើក្នុងការបង់ប្រាក់ ក៏ប៉ុន្តែលោកយល់ថា អាចជាកម្មវិធីមួយល្អដែរ៖ «»។
លោក ឈាងឡេង មានប្រសាសន៍ថា កម្មវិធី SOYO ត្រូវបានក្រុមហ៊ុនសប្បាយដាក់ឲ្យប្រើប្រាស់តាំងថ្ងៃទី១៤ កក្កដា នៅលើប្រព័ន្ធ អេនឌ្រោយ (Android) លើទូរស័ព្ទ និងលើវែបសាយ (website) ឬគេហទំព័រ។ រីឯកម្មវិធី អាយ.អូ.អេស (iOS) របស់ទូរស័ព្ទអាយហ្វូន (iPhone) វិញ នឹងអាចប្រើបានក្នុងរយៈពេលមួយសប្ដាហ៍ទៀត។ នៅពេលនេះ លោកបានដាក់ផ្សាយជាង ១០០រឿងហើយនៅក្នុងកម្មវិធី SOYOហើយនឹងដាក់បញ្ចូលបន្ថែមជាបន្តបន្ទាប់។ រឿងដែលដាក់ក្នុងកម្មវិធី SOYO ជារឿងពិបាករក។ ទោះជាយ៉ាងណាក្ដី កម្មវិធីទស្សនាភាពយន្តតាមឌីជីថល គឺទូរស័ព្ទនេះ គឺត្រូវបង់ប្រាក់តាមក្រុមហ៊ុនទូរស័ព្ទសែលកាត (Cellcard) ស្មាត (Smart) មិត្តហ្វូន (MetFone) ធនាគារអេស៊ីលីដា (Acleda) ក្រុមហ៊ុនផ្ទេរប្រាក់ វីង (Wing) និងក្រុមហ៊ុន ផេ អែន ហ្គោ (Pay&Go) ចំនួន ៣ដុល្លារក្នុងមួយខែ៕
