ឃុំ-សង្កាត់ស្ថិតនៅក្នុងខែត្រមួយចំនួន កំពុងស្ថិតនៅក្នុងភាពចម្រូងចម្រាសដោយសារតែអតីតចៅសង្កាត់-មេឃុំ ចាក់សោបន្ទប់មិនប្រគល់ជូនចៅសង្កាត់-មេឃុំថ្មីចូលធ្វើការទេ ក្រោយពេលតំណាងក្រសួងមហាផ្ទៃ បានប្រកាសផ្ទេរតំណែងជូនចៅសង្កាត់-មេឃុំថ្មីរួចហើយនោះ ដែលបញ្ហានេះជះឥទ្ធិពលអាក្រក់ដល់ប្រព័ន្ធប្រជាធិបតេយ្យ និងវិមជ្ឈការ។
អ្នកជំនាញខាងវិទ្យាសាស្ត្រនយោបាយ និងអភិបាលកិច្ច មើលឃើញថា ករណីនេះអាចជាប់ពាក់ព័ន្ធនឹងរឿងនយោបាយដ៏ធំមួយនៅពីក្រោយ ហើយធ្វើឲ្យរាំងស្ទះមុខងារក្រុមប្រឹក្សាឃុំ-សង្កាត់ក្នុងការបម្រើការងារជូនពលរដ្ឋ។
សូមស្ដាប់បទសម្ភាសន៍រវាងលោក ទីន ហ្សាការីយ៉ា និងលោកបណ្ឌិត ចាន់ វិបុល អ្នកជំនាញខាងវិទ្យាសាស្ត្រនយោបាយ និងអភិបាលកិច្ច អំពីការមិនផ្ទេរបន្ទប់ធ្វើការជូនចៅសង្កាត់ថ្មីដូចតទៅ៖