សមាជិកក្រុមប្រឹក្សា និងមេឃុំ-ចៅសង្កាត់ដែលទើបជាប់ឆ្នោតថ្មីមួយចំនួន ប្រឈមខ្វះសម្ភារៈ ឬបន្ទប់ការិយាល័យធ្វើការ។
មន្ត្រីនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា សមាជិកក្រុមប្រឹក្សាឃុំ-សង្កាត់ដែលទើបជាប់ឆ្នោតថ្មីមួយចំនួន មិនមានសាលាឃុំ ឬបន្ទប់ការិយាល័យធ្វើការ ហើយខ្លះទៀតខ្វះសម្ភារៈ ដោយសារមេឃុំ-ចៅសង្កាត់អាណត្តិចាស់ខ្លះ មិនអនុញ្ញាតឲ្យប្រើប្រាស់ ឬយកទ្រព្យសម្បត្តិសាលាឃុំដែលមានពីមុនទៅផ្ទះរបស់ខ្លួន៖ «»។
ទាក់ទងបញ្ហាទាំងនេះដែរ ត្រូវបានមន្ត្រីនាំពាក្យក្រសួងមហាផ្ទៃ លោក ខៀវ សុភ័គ ចាត់ទុកថាជាការធ្វើខុសឆ្គង ដែលត្រូវទទួលខុសត្រូវតាមច្បាប់ និងប្រកាសរបស់ក្រសួងមហាផ្ទៃ៖ «»។
ទោះជាយ៉ាងនេះក្ដី លោកចង់ឲ្យមានរបាយការណ៍ច្បាស់លាស់ពីករណីទាំងនេះ ដើម្បីងាយដោះស្រាយ។ លោកចង់បានឈ្មោះមេឃុំ-ចៅសង្កាត់ណាដែលមិនព្រមទទួលស្គាល់ការប្រកាសរបស់ក្រសួងមហាផ្ទៃ។ ការខ្វះសាលាឃុំ-សង្កាត់ ជាបញ្ហាខ្វះខាតទូទៅ ដែលនៅតែបន្តដោះស្រាយ។
ទាក់ទងបញ្ហានេះ លោក យឹម សុវណ្ណ មិនបានប្រាប់ទីតាំងច្បាស់ទេ ប៉ុន្តែលោកថ្លែងថា លោកកំពុងប្រមូលព័ត៌មានឲ្យបានលម្អិតអំពីករណីទាំងនេះនៅរាជធានីភ្នំពេញ និងតាមបណ្ដាខេត្ត ហើយលោកកំពុងណែនាំដល់មេឃុំ-ចៅសង្កាត់ទាំងនោះឲ្យដោះស្រាយដោយសន្តិវិធី។
ចៅសង្កាត់ថ្មីនៅសង្កាត់ភ្នំពេញថ្មី លោក សី ច័ន្ទតែន មានប្រសាសន៍ថា លោកមិនមានសាលាសង្កាត់ធ្វើការ ដោយសារតែសង្កាត់នេះបំបែកជាពីរ ហើយសាលាសង្កាត់ចាស់ឋិតនៅក្នុងទឹកដីសង្កាត់គោកឃ្លាង ដែលជាសង្កាត់ថ្មី ប៉ុន្តែលោកថាថ្នាក់ក្រសួងអនុញ្ញាតឲ្យលោករកជួលទីតាំងបណ្ដោះអាសន្នហើយ៕