គិតមកទល់នឹងថ្ងៃទី១៦ មិថុនា គណៈកម្មាធិការជាតិរៀបចំការបោះឆ្នោត (គ.ជ.ប) ពុំមានបណ្ដឹងតវ៉ារបស់បក្សនយោបាយទាមទារឲ្យរាប់សន្លឹកឆ្នោតឡើងវិញដើម្បីដោះស្រាយឡើយ។ មន្ត្រី គ.ជ.ប អះអាងថា គ.ជ.ប បន្តទទួលបណ្ដឹងពីបក្សនយោបាយរហូតដល់ថ្ងៃទី១៩ មិថុនា ដែលជាកាលបរិច្ឆេទចុងក្រោយ។
ក្រោយពីបានរាប់សន្លឹកឆ្នោតឡើងវិញ នៅក្នុងឃុំចំនួន៣ គឺឃុំដូង ខេត្តស្វាយរៀង ឃុំបឹងប្រាំ ខេត្តបាត់ដំបង និងឃុំក្លែង ខេត្តកំពង់ធំ តាមការទាមទាររបស់គណបក្សប្រជាជនកម្ពុជា និងគណបក្សសង្គ្រោះជាតិ ប្រភេទបណ្ដឹងឲ្យរាប់សន្លឹកឆ្នោតឡើងវិញនេះ គ.ជ.ប នៅមិនទាន់ទទួលបានបន្ថែមទៀតពីបក្សនយោបាយណាមួយឡើយ។
ថ្លែងប្រាប់អាស៊ីសេរី នៅថ្ងៃល្ងាចទី១៦ មិថុនា អ្នកនាំពាក្យ គ.ជ.ប លោក ហង្ស ពុទ្ធា បញ្ជាក់ថា បណ្ដឹងទាក់ទងនឹងការតវ៉ាលទ្ធផលឆ្នោតពីគណបក្សនយោបាយដែល គ.ជ.ប ទទួលបាន គឺសរុបមានចំនួន ៣៧បណ្ដឹង។ លោកថា គ.ជ.ប បានដោះស្រាយបណ្ដឹងទាំងអស់នោះរួចរាល់ ហើយក្នុងនោះលោកថា មានបណ្ដឹងខ្លះ គ.ជ.ប បានចារបដិសេធដោយសារតែផុតកាលកំណត់តាមច្បាប់។
សូមរង់ចាំអាននិងស្ដាប់ព័ត៌មានពិស្ដារ...