Image may be NSFW.
Clik here to view.
Clik here to view.
មន្ត្រីស័ក្ដិ៣នៃក្រសួងមហាផ្ទៃមួយរូប ត្រូវបានសាលាដំបូងរាជធានីភ្នំពេញ ចោទប្រកាន់នៅថ្ងៃទី១៤ មិថុនា ករណីគំរាមសម្លាប់លោកនាយករដ្ឋមន្ត្រី ហ៊ុន សែន តាមបណ្ដាញសង្គមហ្វេសប៊ុក (Facebook)។
អ្នកនាំពាក្យអយ្យការអមសាលាដំបូងរាជធានីភ្នំពេញ លោក លី សុផាណា ឲ្យដឹងថា នៅថ្ងៃទី១៤ មិថុនា ព្រះរាជអាជ្ញារង លោក សៀង សុខ បានសម្រេចបើកការស៊ើបសួរដោយចោទប្រកាន់ នាយរងផ្នែកការិយាល័យគណនេយ្យ នាយកដ្ឋានភស្តុភារ និងសម្ភារបច្ចេកទេស នៃក្រសួងមហាផ្ទៃ លោក លាង ឡា ពីបទគំរាមកំហែងថា នឹងសម្លាប់ តាមមាត្រា២៣៣ នៃក្រមព្រហ្មទណ្ឌ ហើយបញ្ជូនទៅចៅក្រមស៊ើបសួរដើម្បីចាត់ការបន្តតាមនីតិវិធី។
លោក លាង ឡា ត្រូវបានសមត្ថកិច្ចចាប់ខ្លួនកាលពីថ្ងៃទី១៣ មិថុនា បន្ទាប់ពីលោកបានសរសេរលើហ្វេសប៊ុក ប្រមាថអាយុជីវិតលោក ហ៊ុន សែន និងក្រុមគ្រួសារ៕
