Clik here to view.
ប្រធានអង្គការអាដហុក (ADHOC) អំពាវអោយអ្នកនយោបាយទទួលយកលទ្ធផលឆ្នោត ហើយបញ្ឈប់ការគុំកួនគ្នា បន្ទាប់ពីការបោះឆ្នោតជ្រើសរើសក្រុមប្រឹក្សាឃុំ-សង្កាត់ បានបញ្ចប់។
គណបក្សនយោបាយធំៗ២ ដែលមានសំឡេងប្រដំប្រសងគ្នាក្នុងការបោះឆ្នោតនេះ គឺគណបក្សប្រជាជនកម្ពុជា និងគណបក្សសង្គ្រោះជាតិ អះអាងថា ក្នុងដំណើរការប្រជាធិបតេយ្យ ការទទួលយកលទ្ធផលឆ្នោតជារឿងចាំបាច់។
ថ្លែងតាមវីដេអូឃ្លិបដែលបង្ហោះតាមទំព័រហ្វេសប៊ុក (Facebook) របស់អង្គការសិទ្ធិមនុស្សអាដហុក កាលពីយប់ថ្ងៃទី៩ ខែមិថុនា ប្រធានអង្គការនេះ គឺលោក ធន សារាយ លើកឡើងថា នៅក្នុងដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ លោកសង្កេតឃើញថា អ្នកដឹកនាំនយោបាយនៅមិនទាន់ចុះសម្រុងនឹងគ្នានៅឡើយ ដែលអាចនាំទៅអោយមានការគុំកួន ធ្វើទុក្ខបុកម្នេញបក្សម្ខាងទៀតដែលជាដៃគូ។
លោក ធន សារាយ លើកឡើងថា ចំពោះប្រជាពលរដ្ឋជាអ្នកគាំទ្រគណបក្សនយោបាយនៅតាមមូលដ្ឋានភាគច្រើនបានផ្លាស់ប្ដូរឥរិយាបថ ដោយពួកគេគាំទ្រគណបក្សផ្សេងគ្នាក៏ពិតមែន តែពួកគេបានត្រូវរ៉ូវគ្នាវិញនៅក្រោយការបោះឆ្នោត។ លោកថា ពលរដ្ឋកំពុងធ្វើជាគំរូល្អអោយអ្នកនយោបាយចំពោះការជានាគ្នានៅក្រោយការបោះឆ្នោត និងរួមគ្នាអភិវឌ្ឍមូលដ្ឋាន។ លោករំពឹងថា ករណីបែបនេះគួរតែកើតមានដែរនៅក្នុងចំណោមអ្នកដឹកនាំគណបក្សនយោបាយ៖ «»។
បើទោះបីជាមិនបានបញ្ជាក់ថា ការលើកឡើងរបស់លោកសំដៅទៅរកគណបក្សនយោបាយណាមួយក៏ដោយ ក៏ទំនងជាសំដៅទៅរកគណបក្សនយោបាយចំនួន២ ដែលមានសំឡេងពលរដ្ឋគាំទ្រប្រកៀកប្រកិតគ្នាគឺគណបក្សប្រជាជនកម្ពុជា ដែលជាគណបក្សកាន់អំណាច និងគណបក្សប្រឆាំងគឺគណបក្សសង្គ្រោះជាតិ។
ប្រធានគណបក្សប្រឆាំង លោក កឹម សុខា ថ្លែងនៅព្រឹកថ្ងៃទី១០ ខែមិថុនា ថា លោកក៏សង្ឃឹមថា គណបក្សទាំង២ ដែលមានសំឡេងគាំទ្រច្រើននេះមានភាពចាស់ទុំអាចនឹងចាប់ដៃធ្វើការជាមួយគ្នាដើម្បីប្រយោជន៍របស់ពលរដ្ឋ៖ «»។
មិនខុសគ្នានេះដែរ អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថា គណបក្សកាន់អំណាចដែលមានសញ្ញារូបទេវតាមិនដែលមានការគុំកួននឹងដៃគូប្រកួតប្រជែងឡើយ៖ «»។
បើទោះជាយ៉ាងណា ចំពោះអ្នកជំនាញផ្នែកការដឹកនាំមើលឃើញថា ការមិនត្រូវរ៉ូវគ្នារវាងអ្នកដឹកនាំបក្សនយោបាយកើតចេញពីការចង់បានដណ្ដើមអំណាច។
អ្នកស្រាវជ្រាវផ្នែកទំនាក់ទំនងអន្តរជាតិ និងអភិវឌ្ឍន៍ភាពជាអ្នកដឹកនាំ លោក ឆាំ ប៊ុនថេត លើកឡើងថា លោកបានមើលឃើញដូចការលើកឡើងរបស់លោក ធន សារាយ ដែរ។ លោកថា ដើម្បីបញ្ចៀសបញ្ហានេះ អ្នកនយោបាយត្រូវផ្លាស់ប្ដូរឥរិយាបថ ដោយឈប់ដណ្ដើមអំណាច តែងាកមកយកឈ្នះគ្នាតាមរយៈការបង្កើតគោលនយោបាយផ្ទាល់គណបក្ស ដើម្បីទាក់ទាញអ្នកគាំទ្រ និងតាមដានការអនុវត្តគោលនយោបាយរបស់គណបក្សដែលជាគូប្រកួតនោះវិញ៖ «»។
លោក ឆាំ ប៊ុនថេត លើកឡើងដែរថា នៅមានបញ្ហានៃការរើសអើងខ្លះៗដែរនៅនៅមូលដ្ឋាន ជាពិសេសរវាងមន្ត្រីរាជការ មេឃុំ ជាមួយប្រជាពលរដ្ឋ ប៉ុន្តែរវាងប្រជាពលរដ្ឋនិងពលរដ្ឋគឺមានការប្រាស្រ័យទាក់ទងគ្នាល្អ៕
