លោក ហង្ស ពុទ្ធា អ្នកនាំពាក្យ គ.ជ.ប បញ្ជាក់ថា លទ្ធផលសរុបបឋមនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ ដែលបង្ហាញពីចំនួនគាំទ្រសរុបដែលគណបក្សនយោបាយនីមួយៗទទួលបាន នឹងផ្សព្វផ្សាយនៅថ្ងៃទី៦ ខែមិថុនា។ តាមគម្រោង គ.ជ.ប ត្រូវប្រកាសលទ្ធផលបឋមនេះនៅថ្ងៃទី៥ មិថុនា។
លោក ហង្ស ពុទ្ធា ពន្យល់ថា ការពន្យារពេលនេះដោយសារបញ្ហាបច្ចេកទេស ដូចជាអ៊ីនធឺណិតដើរយឺត ដោយសាររូបភាពលទ្ធផលដែលបញ្ជូនមកពីការិយាល័យបោះឆ្នោតមួយចំនួនមិនច្បាស់ ដែលមិនអាចឲ្យប្រព័ន្ធកម្មវិធីកុំព្យូទ័រផ្ទៀងផ្ទាត់បាន៖ «»។
ក៏ប៉ុន្តែលោកមិនទាន់ទទួលបានព័ត៌មានចំនួនឃុំ-សង្កាត់ ដែលមានបញ្ហាការបញ្ជូនទិន្នន័យនេះទេ៖ «»។
លោកបន្តថា បញ្ហាបច្ចេកទេសដែលធ្វើឲ្យកកស្ទះការផ្សព្វផ្សាយលទ្ធផល គឺកើតឡើងខ្លាំងនៅថ្ងៃទី៤ មិថុនា ដោយសារអាកាសធាតុ៖ «»។
បើទោះជាគណៈកម្មាធិការជាតិរៀបចំការបោះឆ្នោត (គ.ជ.ប) មិនទាន់ប្រកាសពីចំនួនសរុបនៃលទ្ធផលបោះឆ្នោតបឋម បង្ហាញពីចំនួនអាសនៈដែលគណបក្សនយោបាយនីមួយៗទទួលបានក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤ នេះនៅឡើយ ក៏ប៉ុន្តែគណបក្សនយោបាយមានអាសនៈពីរនៅរដ្ឋសភា គឺគណបក្សប្រជាជនកម្ពុជា និងគណបក្សសង្គ្រោះជាតិ និងអ្នកសង្កេតការណ៍ បានផ្សព្វផ្សាយលទ្ធផលក្រៅផ្លូវការហើយ។
ទាក់ទងនឹងការពន្យារពេលផ្សាយលទ្ធផលសរុបបឋមនេះ លោក ហង្ស ពុទ្ធា លើកឡើងថា គ.ជ.ប ធ្វើកិច្ចការដោយពិនិត្យផ្ចិតផ្ចង់ ដោយធានាពីភាពត្រឹមត្រូវ៖ «»។
កាលពីថ្ងៃបោះឆ្នោតថ្ងៃទី៤ មិថុនា គ.ជ.ប ក៏បានពន្យារពេលផ្សាយលទ្ធផលបឋមក្នុងទម្រង់ទិន្នន័យតាមឃុំ-សង្កាត់នីមួយៗ។ គ.ជ.ប បានប្រកាសថា នឹងផ្សាយនៅម៉ោង ៦ល្ងាច តែត្រូវពន្យារពេលទៅម៉ោង ៧ រួចម៉ោង ៨ រហូតម៉ោង ៨:៣០នាទីយប់ថ្ងៃទី៤ មិថុនា។ ការធ្វើសន្និសីទសារព័ត៌មានរបស់ គ.ជ.ប ដើម្បីបូកសរុបព្រឹត្តិការណ៍បោះឆ្នោត ក៏ត្រូវបានពន្យារពេលពីម៉ោង ៤រសៀលទៅម៉ោង ៥ល្ងាចវិញ ក្រោមហេតុផលបញ្ហាបញ្ជូនទិន្នន័យយឺតនេះដែរ។
ប្រធាន គ.ជ.ប លោក ស៊ិក ប៊ុនហុក បានបញ្ជាក់ថា លទ្ធផលបោះឆ្នោតមានចំនួនបីដំណាក់កាល។ ទីមួយ លទ្ធផលបឋម ត្រូវផ្សាយនៅថ្ងៃទី៤ និងថ្ងៃទី៥។ ទីពីរ លទ្ធផលបណ្ដោះអាសន្ន ត្រូវផ្សាយនៅថ្ងៃទី៥ ដល់ថ្ងៃទី៧។ ទីបី លទ្ធផលផ្លូវការ ត្រូវផ្សាយនៅថ្ងៃទី២៥ មិថុនា៕