គណៈកម្មាធិការជាតិរៀបចំការបោះឆ្នោត (គ.ជ.ប) អះអាងថា ពលរដ្ឋទូទាំងប្រទេសទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ឆ្នាំ២០១៧ មានជាង៧ (៧,០៤០,៥៩៤) លាននាក់ ឬស្មើនឹងជិត៩០ (៨៩.៥២) ភាគរយនៃអ្នកចុះឈ្មោះបោះឆ្នោតសរុប។ នេះបើតាមរបាយការណ៍ថ្មីរបស់ គ.ជ.ប ចេញផ្សាយនៅថ្ងៃទី៥ មិថុនា។
ទោះជាយ៉ាងណាក៏ដោយ របាយការណ៍ គ.ជ.ប មិនបានបង្ហាញពីមូលហេតុដែលពលរដ្ឋជាង១០ភាគរយទៀត មិនបានទៅចូលរួមបោះឆ្នោតនោះទេ។
បញ្ជីបោះឆ្នោតថ្មីរបស់ គ.ជ.ប កាលពីឆ្នាំ២០១៦ បង្ហាញថា មានពលរដ្ឋជិត៨ (៧,៨៦៥,០៣៣) លាននាក់ បានចុះឈ្មោះបោះឆ្នោត៕