ប្រទេសជប៉ុន សម្រេចផ្ដល់ហិរញ្ញប្បទានឥតសំណងចំនួន ៧លានដុល្លារដល់កម្ពុជា សម្រាប់អនុវត្តគម្រោងកម្មវិធីអភិវឌ្ឍន៍សេដ្ឋកិច្ច និងសង្គម។
រដ្ឋមន្ត្រីការបរទេស និងសហប្រតិបត្តិការអន្តរជាតិ លោក ប្រាក់ សុខុន នឹងជួបជាមួយឯកអគ្គរាជទូតជប៉ុន ប្រចាំកម្ពុជា លោក ហូរីណូអ៊ូជិ ហ៊ីដេហ៊ីសា (HORINOUCHI Hidehisa) ដើម្បីចុះហត្ថលេខាលើកំណត់ហេតុនៃការផ្ដល់ហិរញ្ញប្បទានឥតសំណងនេះ នៅថ្ងៃទី២១ ខែកុម្ភៈ នេះ។
សេចក្ដីជូនព័ត៌មានរបស់ក្រសួងការបរទេសកម្ពុជា ចេញផ្សាយនៅថ្ងៃទី២០ ខែកុម្ភៈ នេះឲ្យដឹងថា ជំនួបនេះនឹងចាប់ផ្ដើមនៅម៉ោង ០៩:០០ព្រឹក នៅទីស្ដីការក្រសួងការបរទេស និងសហប្រតិបត្តិការអន្តរជាតិ៕