Clik here to view.
អ្នកឃ្លាំមើលសង្គម បានរិះគន់រដ្ឋបាលខេត្តព្រះសីហនុក្នុងអាណត្តិនេះ ថាខ្វះលទ្ធភាពការពារព្រៃឈើធម្មជាតិ ដែលមានស្រាប់ នាមូលដ្ឋាននេះឲ្យគង់វង្សទេ ដោយទុកឲ្យជនឆ្លៀតឱកាសចូលកាប់ព្រៃរានដីធ្វើកម្មសិទ្ធិស្ទើររលាយហិនហោច ទើបមកបំផុសឲ្យពលរដ្ឋចូលរួមដាំដើមឈើឡើងវិញ។
មន្ត្រីអង្គការក្រៅរដ្ឋាភិបាល និងពលរដ្ឋមួយចំនួន បានរិះគន់ចំពោះសកម្មភាពដឹកនាំ របស់រដ្ឋបាលខេត្តព្រះសីហនុអាណត្តិនេះ ថាមិនមានលទ្ធភាពការពារដីគម្របព្រៃឈើបៃតង ឆ្នាំ២០០២ និងព្រៃឈើធម្មជាតិតាមតំបន់ខ្លះនៅលើកោះរ៉ុង ដែលត្រូវជនឆ្លៀតឱកាស ចូលកាប់រានធ្វើកម្មសិទ្ធិឯកជនទេ ប៉ុន្តែមកបំផុសឲ្យមន្ត្រីរាជការ ប្រជាពលរដ្ឋ និងសិស្សានុសិស្ស ចូលរួមដាំកូនឈើបួនដប់ម្ភៃដើមទៅវិញ។
អ្នកសម្របសម្រួលសមាគមអាដហុក (Adhoc) ខេត្តព្រះសីហនុ អ្នកស្រី ជៀប សុធារី ថ្លែងហួសចិត្តថា រដ្ឋបាលខេត្តនេះ មិនអាចការពារព្រៃឈើមានស្រាប់ មានដើមដុះធំៗដូចម្រាមដៃនៅលើកោះរ៉ុង និងគម្របព្រៃឈើបៃតង ឆ្នាំ២០០២ នៅតំបន់ពយម៉ាចូវ ឃុំបិតត្រាំង ឲ្យគង់វង្ស និងមានប្រសិទ្ធភាពនោះទេ។
អ្នកស្រី សុធារី ថា ព្រៃឈើនៅលើកោះរ៉ុង និងដីគម្របព្រៃឈើឆ្នាំ២០០២ ដែលនៅសេសសល់នាខេត្តព្រះសីហនុ គួរត្រូវរដ្ឋបាលខេត្តនេះ អភិរក្សការពារឲ្យគង់វង្ស មិនមែនទុកឲ្យមានការឃុបឃិត ចូលកាប់ទន្ទ្រានធ្វើកម្មសិទ្ធិរលាយហិនហោចដូចរាល់ថ្ងៃនេះទេ។ «»
ចំណែកប្រជាពលរដ្ឋមួយចំនួនរស់នៅខេត្តព្រះសីហនុ ក៏បានរិះគន់រដ្ឋបាលខេត្តនេះ ដែលគ្មានលទ្ធភាព ការពារព្រៃឈើ ដែលនៅសេសសល់ក្នុងមូលដ្ឋាននេះឲ្យគង់វង្ស ដោយទុកឲ្យជនឆ្លៀតឱកាសចូលកាប់ព្រៃរានដីធ្វើកម្មសិទ្ធិឯកជនស្ទើរទាំងស្រុង។ ប្រជាពលរដ្ឋអះអាងថា ព្រៃឈើធម្មជាតិ ដែលត្រូវគេរានកាប់ព្រៃយកដីធ្វើកម្មសិទ្ធិ គឺបានកើតមានអនាធិបតេយ្យច្រើនបំផុត នៅក្នុងអាណត្តិនេះ។
ពលរដ្ឋអះអាងថា បរិវេណព្រៃឈើដែលត្រូវបំផ្លាញទាំងនោះ មានដូចជានៅលើកោះរ៉ុង និងដីគម្របព្រៃឈើបៃតងឆ្នាំ២០០២ មានទីតាំងនៅតំបន់ពយម៉ាចូវ ឃុំបិតត្រាំងជាដើម គឺត្រូវបានកាប់បំផ្លាញ៕
