តំណាងធនាគារអភិវឌ្ឍន៍អាស៊ីប្រចាំកម្ពុជា ហៅកាត់ថា ADB នៅថ្ងៃទី៩ មករា ចុះហត្ថលេខាផ្ដល់ ឥណទានសម្បទាន ១៨០លានដុល្លារអាមេរិកដល់កម្ពុជា ដើម្បីអភិវឌ្ឍគម្រោងចំនួន៣។ ពិធីចុះហត្ថលេខារវាងតំណាងធនាគារ ADB និងលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ធ្វើឡើងនៅទីស្ដីការក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៩ មករា។
គម្រោងចំនួន៣ រួមមានគម្រោងទី១ កែលម្អបណ្ដាញផ្លូវជាតិ គម្រោងទី២ ផ្គត់ផ្គង់ទឹកស្អាត និងអនាម័យតាមខេត្ត ចំនួន៤ រួមមានបាត់ដំបង កំពង់ចាម ព្រះសីហនុ និងសៀមរាប និងគម្រោងទី៣ ដើម្បីកាត់បន្ថយភាពក្រីក្រ និងអភិវឌ្ឍន៍កសិកម្មខ្នាតតូចនៅតំបន់ទន្លេសាប។
គម្រោងនេះ សម្រាប់កែលម្អលក្ខខណ្ឌសេដ្ឋកិច្ច សង្គម និងការរស់នៅរបស់កសិករខ្នាតតូចចំនួន ៦៥ម៉ឺនគ្រួសារ នៅឃុំគោលដៅចំនួន២៧១ នៃខេត្តចំនួន៧ ជុំវិញបឹងទន្លេសាប៕