Image may be NSFW.
Clik here to view.
Clik here to view.
អង្គរក្សទាំង៨រូបរបស់មេដឹកនាំគណបក្សប្រឆាំងលោក កឹម សុខា ត្រូវបានដោះលែងវិញហើយ នៅរសៀលថ្ងៃទី៣ កញ្ញា ខណៈលោក កឹម សុខា កំពុងត្រូវឃុំឃាំងដដែលនៅពន្ធនាគារត្រពាំងផ្លុង ខេត្តត្បូងឃ្មុំ។
ប្រធាននាយកដ្ឋានកិច្ចការបោះឆ្នោត និងនីតិកម្មរបស់គណបក្សសង្គ្រោះជាតិ អ្នកស្រី ម៉េង សុភារី ឲ្យអាស៊ីសេរីដឹងនៅថ្ងៃទី៣ កញ្ញា អ្នកទាំង៨នាក់ ត្រូវបានមេធាវីរបស់គណបក្សធានាសុំឲ្យនៅក្រៅឃុំ។
លោក កឹម សុខា និងអង្គរក្សចំនួន ៨នាក់របស់លោក ត្រូវសមត្ថកិច្ចចាប់ខ្លួនដល់គេហដ្ឋានរបស់លោក កឹម សុខា ស្ថិតនៅផ្ទះលេខ៩៧ ផ្លូវ៣១៣ សង្កាត់បឹងកក់២ ខណ្ឌទួលគោក កាលពីយប់រំលងអាធ្រាត្រឈានចូលថ្ងៃទី៣ កញ្ញា។ ការចាប់ខ្លួនលោក កឹម សុខា ក្រោមការចោទប្រកាន់ថា មានជាប់ពាក់ព័ន្ធគម្រោងក្បត់ជាតិឃុបឃិតជាមួយបរទេស៕
