Clik here to view.
សម័យប្រឡងសញ្ញាប័ត្រមធ្យមសិក្សាទុតិយភូមិសម្រាប់ឆ្នាំ២០១៧ ឬហៅថា ការប្រឡងបាក់ឌុប ក្រសួងអប់រំយុវជន និងកីឡា កំណត់យកថ្ងៃច័ន្ទ ទី២១ ខែសីហា សប្ដាហ៍ក្រោយនេះហើយ។ ក្នុងពេលដែលការប្រឡងនៅសល់រយៈពេលតែ ៩ថ្ងៃទៀតប៉ុណ្ណោះ មានសិស្សខ្លះនៅខេត្តកណ្ដាល តវ៉ាគ្រូរឿងអត់ឈ្មោះប្រឡង។
សិស្ស និងឪពុកម្ដាយរបស់សិស្សថ្នាក់ទី១២ ចំនួន ៣រូប នៅវិទ្យាល័យ ហ៊ុន សែន ត្រើយស្លា ស្រុកស្អាង ខេត្តកណ្ដាល តវ៉ានឹងនាយកវិទ្យាល័យនេះថា អយុត្តិធម៌ ដែលឈ្មោះសិស្សទាំង ៣រូប ត្រូវបានគ្រូលុបចេញមិនឲ្យប្រឡងបាក់ឌុបឆ្នាំនេះ។ ការលុបឈ្មោះនេះ ក្រោមហេតុផលពីគ្រូថា សិស្សទាំងនេះអវត្តមានលើស ៣០ដង។
សិស្សថ្នាក់ទី ១២D មួយរូប នៅវិទ្យាល័យ ហ៊ុន សែន ត្រើយស្លា គឺយុវជន ឡា មករា និយាយថា ការដែលឈ្មោះរបស់ខ្លួនត្រូវគ្រូលុបចេញមិនឲ្យប្រឡងនេះ ជារឿងអស់សង្ឃឹម៖ «អយុត្តិធម៌ណាស់ ព្រោះអីគេបានប្រឡង ខ្ញុំអត់បានប្រឡង...»។
ម្ដាយសិស្សឈ្មោះ ថុល កាលីន គឺលោកស្រី ថាន សារុំ មានប្រសាសន៍ថា សិស្សជាង ២០នាក់ផ្សេងទៀត មិនតវ៉ារឿងនេះទេ ព្រោះគេអវត្តមានពីថ្នាក់រៀនច្រើនជាង ៣០ដងមែន។ ប៉ុន្តែកូនរបស់លោកស្រីអវត្តមានជាង ១០ដងប៉ុណ្ណោះ៖ «»។
បញ្ជាក់បន្ថែមអំពីកំណត់ត្រាអវត្តមាននេះ ប្រធានថ្នាក់ទី១២D គឺយុវជន ជា សុខ លី និយាយថា សិស្សទាំង ៣រូបនេះ មិនមានអវត្តមានច្រើនបែបនេះទេ៖ «»។
ឆ្លើយតបការចោទប្រកាន់ថា មិនយុត្តិធម៌នេះ ត្រូវបាននាយកវិទ្យាល័យ ហ៊ុន សែន ត្រើយស្លា ស្រុកស្អាង ខេត្តកណ្ដាល លោក សុខ ពៅ មានប្រសាសន៍បញ្ជាក់វិញថា បញ្ហាសិស្សថ្នាក់ទី១២ ទាំង ៣រូបនេះ គឺក្នុងចំណោម ២៥រូប ដែលត្រូវបានលុបឈ្មោះចេញពីបញ្ជីប្រឡង ព្រោះតែអវត្តមានលើសគោលការណ៍កំណត់។ លោកថា បញ្ហានេះធ្លាប់បានប្រជុំបង្ហាញកំណត់ហេតុរួចហើយ៖ «»។
ទាំងឪពុករបស់សិស្ស ឡា មករា គឺលោក ធុល ឡា ឲ្យដឹងថា ការតវ៉ារបស់សិស្សទាំងនេះ គឺចាប់តាំងពីពេលប្រឡងឆមាសពាក់កណ្ដាលឆ្នាំមក។
ទាក់ទងបញ្ហានេះ អាស៊ីសេរី មិនអាចទាក់ទងគ្រូប្រចាំថ្នាក់ទី១២D ដើម្បីសុំការបញ្ជាក់បន្ថែមលើបញ្ហានេះបានទេ នៅល្ងាចថ្ងៃទី១២ ខែសីហា។
នៅឆ្នាំ២០១៧ នេះ ក្រសួងអប់រំយុវជន និងកីឡា កំណត់យកថ្ងៃច័ន្ទ ទី២១ ខែសីហា សម្រាប់សិស្សថ្នាក់ទី១២ ប្រឡងសញ្ញាប័ត្រមធ្យមសិក្សាទុតិយភូមិ ឬហៅថា ការប្រឡងបាក់ឌុប។ ក្រសួងគ្រោងប្រកាសលទ្ធផលនៅរសៀលថ្ងៃទី១២ ខែកញ្ញា សម្រាប់សិស្សប្រឡងនៅមណ្ឌលរាជធានីភ្នំពេញ និងខេត្តកណ្ដាល។ រីឯលទ្ធផលនៅខេត្តផ្សេងទៀត ក្រសួងនឹងប្រកាសនៅព្រឹកថ្ងៃទី១៣ ខែកញ្ញា៕
