សភាស៊ើបសួរសាលាឧទ្ធរណ៍នៅព្រឹកថ្ងៃទី១១ សីហា បន្តផ្ដន្ទាទោសអតីតគណបក្សសង្គ្រោះជាតិ លោក សម រង្ស៊ី ដាក់ពន្ធនាគារចំនួន២០ខែ និងពិន័យប្រាក់ចូលរដ្ឋ១០លានរៀល ដដែល ទាក់ទងនឹងបទចោទរដ្ឋអំណាចសម្លាប់បណ្ឌិត កែម ឡី។
ការសម្រេចនេះធ្វើឡើងក្នុងសវនាការលើអង្គសេចក្ដីកំបាំងមុខ ដោយអវត្តមានទាំងលោក សម រង្ស៊ី និងមេធាវីរបស់លោកគឺលោក សំ សុគង់។
កាលពីថ្ងៃទី៣០ ខែមីនា ឆ្នាំ២០១៧ តុលាការក្រុងភ្នំពេញ បានសម្រេចឲ្យលោក សម រង្ស៊ី ចាញ់ក្តីលោក ហ៊ុន សែន ដោយដាក់ពន្ធនាគារ ២០ខែ និងពិន័យប្រាក់ចូលរដ្ឋ ១០លានរៀល និងត្រូវសងជំងឺចិត្តលោកនាយករដ្ឋមន្ត្រី ហ៊ុន សែន ១០០រៀល ដោយក្រោមបទចោទពីរករណី គឺបរិហារកេរ្តិ៍ជាសាធារណៈ និងញុះញង់បង្កឲ្យមានភាពវឹកវរដល់សន្តិសុខសង្គម។
បណ្ដឹងនេះ ធ្វើឡើងក្រោយពីលោក សម រង្ស៊ី បាននិយាយ និងសរសេរនៅលើហ្វេសប៊ុក (Facebook) របស់លោកថា ការបាញ់សម្លាប់លោក កែម ឡី កាលពីថ្ងៃ ទី១០ ខែកក្កដា ឆ្នាំ២០១៦ ជាអំពើភេរវកម្មមួយទៀតរៀបចំឡើងដោយរដ្ឋអំណាច។
សូមរង់ចាំអាន និងស្ដាប់ព័ត៌មានពិស្ដារ...